FJALË

Fjalor Shqip

Ar - m.

I -

  1. kim. Metal i rrallë e i çmuar, me ngjyrë të verdhë, që është i butë e punohet mirë dhe që përdoret për të bërë sende zbukurimi, monedha etj. ose si masë e vlerave; flori (simboli Au). Ar i pastër (i kulluar). Shufër ari. Monedhë ari. Medalje (unazë, kupë... ) ari. Fill ari. Minierë ari. Ngjyrë ari. I larë me ar.
  2. Fill i praruar, që përdoret për qëndisje; bised. veshje e qëndisur me këtë fill. Jelek ari. Qëndis me ar. I veshur në ar.
  3. përd. mb. Në ngjyrë të verdhë të ndritshme, i artë. Flokë ari. Ngjyej në ar.
  • Ari i bardhë pambuku. Ari i gjelbër drurët e pyllit si lëndë e vlefshme për ndërtim e për orendi. Ari i zi nafta ose qymyrguri. Fjalë ari fjalë të vërteta e me vlerë, fjalë me vend; fjalë e urtë. I ra ari në ujë u zemërua, i mbeti hatëri.

II -

  • m.sh. - Njësi matjeje e sipërfaqes së tokës, e barabartë me 100 metra katrorë (shkurt. a). Një ar tokë.
Kurs Anglisht Online - Smart Center

Mësoni anglisht dhe gjermanisht online me mësues profesionistë. Smart Center, me 12 vite përvojë, ua mundëson ndjekjen e kursit nga rehatia e shtëpisë suaj.

Mëso më shumë →