Balonë f.sh. -
- Sferë e madhe prej pëlhure ose prej lënde tjetër të fortë e të papërshkueshme nga ajri, që mbushet megaz të lehtë dhe që shërben për të ngritur lart në ajër një aerostat, pajisje për studime meteorologjike etj.; aerostati që ngrihet në ajër me një sferë të tillë. Balonë meteorologjike. Balonë me hidrogjen. Ngjitej me balonë.
- Lodër fëmijësh, që bëhet me letër të hollë të nderë mbi fije kallamash dhe që lëshohet lart në ajër e mbajtur me pe të fortë. Balonë letre. Bishti i balonës. Bëj një balonë. Lëshoj (ngre) balonën.
- Tullumbace. Balona me ngjyra. Fryj balonën.
- bised., vjet. Aeroplan. Balonë armike.
- spec. Enë qelqi a metali si sferë, që përdoret për të mbajtur mbyllur lëngje ose gaze. Balonë qelqi. Balonë me oksigjen. Balona e llambës.
- tekst. Fill i mbledhur si kon në masurin e makinës së tjerrjes.
- Balonë prove libr. mjet që përdoret për të hetuar mendimin e të tjerëve për diçka, për të njohur mendimin e përgjithshëm rreth një çështjeje.