Bashkohem vetv. -
- Lidhem me një tjetër për të formuar një të tërë, shkrihem në një njësi me një tjetër. U bashkuan në një fshat (në një kooperativë). U bashkuan në një organizatë. Oksigjeni bashkohet me hidrogjenin.
- Hyj në një grup me të tjerë, rreshtohem e shkoj bashkë me ta. Bashkohem me shokët. U bashkuan me çetën. U bashkuan me grevistët.
- kryes. sh. Lidhemi fort për një çështje të përbashkët, forcojmë njësimin, ngjeshim radhët për një qëllim të përbashkët. Proletarë të të gjitha vendeve, bashkohuni! U ndave - u përlave, u bashkove - u forcove. fj. u.
- Miratoj a përkrah mendimin e dikujt, marr anën e dikujt; pranoj e përkrah një mendim, një pikëpamje, një vendim, një kërkesë etj. të një tjetri; pajtohem. Bashkohem me mendimin e shokëve. Bashkohem me vërejtjet (me propozimet).
- bised. Takohem me dikë; takohem me dikë që ka shkuar përpara. Bashkohemi në shtëpi.
- bised. Lidhem me martesë. U bashkuan e u trashëguan.
- Bie në marrëdhënie seksuale. Bleta mëmë bashkohet me meshkujt.
- Pës. e bashkoj 1.
- Qielli me tokën të bashkohen! shih te qiell,~i. Kur të bashkohet (të takohet, të puqet) qielli e toka iron. shih te qiell,~i.