BUBË I f. zool.
- Vemje e rritur, para se të shndërrohet në flutur ose në krimb, zakonisht e mbuluar me push, krimbalesh, krimb mëndafshi.
- Rre, glistër. Bar bubash. Ka buba. Ngjyrë bube ngjyrë e verdheme.
- Rrëshqanor që të ha (gjarpër, zhapi etj.).
- Morr i vogël.
- krahin. Pushi i një rrobe të leshtë. Buba e shajakut (e velenxës).
BUBË II f. mit.
- Qenie fantastike, që, sipas paragjykimeve, përfytyrohej si përbindësh a si gjarpër i madh, me të cilin trembnin zakonisht fëmijët e vegjël; gogol, vovë. E fryftë buba! mallk.
- Dordolec.
* U bë bubë u bë tmerri i të tjerëve, u bë gogol për dikë. Ia bëri bubë një punë ia bëri të tmerrshme, ia bëri gogol.