DORËZIM m.
1. Veprimi sipas kuptimeve të foljeve DORËZOJ, DORËZOHEM. Dorëzimi i drithit (i prodhimit, i tepricave). Dorëzimi i qytetit (i kështjellës). Dorëzimi i diplomave (i medaljeve, i flamurit). Dorëzim pa kushte. Bëj dorëzimin dorëzoj.
2. Përgjegjësia që kemi për diçka a për dikë kur na e ngarkon përsipër një tjetër. E ka në dorëzim dikë a diçka përgjigjet ai për të, ia kanë dorëzuar atij ta ruajë, ta mbajë, të kujdeset etj. Marr në dorëzim e marr unë përsipër për ta pasur nën kujdes, për ta ruajtur etj., përgjigjem unë për të. Ia dha në dorëzim.