DËGJOJ kal.
1. edhe jokal. Kap ose kam aftësinë a mundësinë të kap me anë të veshit tingujt, zëra e zhurma të ndryshme; ndiej me vesh. E dëgjoi zërin. Dëgjon dhe zhurmat më të vogla. Fol më fort se s'të dëgjoj. Dëgjon mirë. Mezi dëgjon. Dëgjon apo s'dëgjon?
2. edhe jokal. Përqendroj vëmendjen dhe ndjek me kujdes dikë a diçka për të kapur dhe për të kuptuar më mirë atë që thuhet, që lexohet etj.; i vë veshin, e ndjek me vëmendje. Dëgjojnë mësimin. Dëgjon radion. Dëgjoi raportin (dëshmitarët). Dëgjonte me kujdes. Fol pak e dëgjo shumë. fj.u. Dëgjo këtu! Dëgjoni, shokë!
3. edhe jokal. Marr vesh, bindem; e pranoj dhe mundohem ta vë në jetë atë që më thotë ose që më këshillon dikush, i shkoj pas fjalës, i vë vesh fjalës a këshillës së dikujt; marr parasysh diçka që më thonë. I dëgjon prindërit. Ia dëgjon fjalën. Dëgjoj zërin e masës. S'dëgjoi të ikte (të qëndronte). E dëgjojnë të gjithë. Dëgjoji me të mëdhenjtë! Koka që s'dëgjon, shumë pëson. fj.u.
4. Mësoj një gjë të re për dikë a për diçka, marr vesh një lajm, një ngjarje etj., arrij të mësoj diçka. E dëgjova në radio. Kam dëgjuar se... Me ç'kam dëgjuar ... Kemi dëgjuar fjalë të mira për të.
5. edhe jokal. bised. Kuptoj, marr vesh. Dëgjon shqip ti, apo jo?
6. Ndiej a kap me vesh, me dorë ose me aparat të veçantë punën e ndonjë organi të brendshëm të trupit. I dëgjoi pulsin. I dëgjoi frymëmarrjen (të rrahurat e zemrës).
7. jokal. zakon. moh. bised. Nuk dua t'ia di për dikë a për diçka, nuk e përfill, s'pyes. S'dëgjon nga të ftohtët. S'dëgjon nga ajo punë ai. Je i fortë, ku dëgjon ti!
- Ç'po na dëgjojnë veshët! po ndodhin çudira; ngjajnë gjëra të papritura (kryesisht të papëlqyeshme). S'i kam dëgjuar as emrin dikujt a diçkaje nuk e njoh fare, s'e di kush është a ç'është. Mos e dëgjoftë qyqen! mallk. shih te QYQ/E,~JA. S'ia kam dëgjuar zërin dikujt mospërf. nuk e njoh, s'ia di as emrin. Mos ia dëgjofsha zërin! përçm. mos e pafsha kurrë!, mos u takofsha kurrë me të!, u zhduktë! (për dikë që s'e duam). S'dëgjoj (s'pyes, s'dua t'ia di) nga ajo anë shih tek AN/Ë,~A I. I bie pragut të dëgjojë dera shih te PRAG,~U. I flas derës të dëgjojë qilari shih te FLAS. S'më lënë zilet e mia të dëgjoj këmborët e tua shih te ZIL/E,~JA. Vetë flet, vetë dëgjon shih te FLAS. I bërtet së bijës, të dëgjojë e reja fj. u. shih te BËRTAS 3.