DËSHTOJ jokal.
1. Lind foshnjën para kohe të vdekur (për gruan); pjell para kohe, shtie (për bagëtinë). Dështoi gruaja. Dështoi delja (lopa).
2. kal. E nxjerr foshnjën para kohe, kur s'është e aftë të jetojë, prish barrën. E dështoi foshnjën.
3. fig. Nuk ia arrij qëllimit në një punë a veprimtari që ndërmarr, nuk ia dal në krye, më shkojnë kot mundimet e përpjekjet, pësoj humbje, humbas; nuk ka sukses, shkon kot (për përpjekjet, veprimet). Dështoi plotësisht (me turp). Dështoi mbledhja (shfaqja). Dështoi plani. Dështoi sulmi (kryengritja). Dështuan të gjitha përpjekjet. Kush nxiton, dështon. fj.u.