HOXHË m.
- Titull që u jepet klerikëve myslimanë; ai që ka këtë titull, që vishet me xhybe e me çallmë dhe kryen shërbimet fetare. Erdhi hoxha. U bë hoxhë.
* Ali Hoxha, Hoxhë Aliu i njëjti njeri; po ajo gjë, e njëjta gjë. I foltë hoxha! mallk., vjet. vdektë! E këndoftë hoxha! mallk. vjet. vdektë! Shkoi pa hoxhë dikush a diçka iron., vjet. shkoi kot, shkoi dëm. E bën hoxhën (priftin, dhespotin) me barrë: tall. shih te BARRË. Ia thëntë hoxha në rrëzë të veshit mallk., vjet. shih te THEM. Ngrihu prift të ulet (të rrijë) hoxha! shih te PRIFT 1. Kush ha djathë nga të hoxhës, pëlcet për ujë fj. u. mos prit të mirë nga hoxha e nga prifti.