KAPITAL m.
- ek. Vlera materiale (mjete prodhimi, para etj.) në duart e një personi ose organizate apo e disponueshme për investime ose për nisjen e një kompanie të re. Kapitali themelor. Kapital industrial (financiar, tregtar). Kapitali i përhershëm (i ndryshueshëm). Kapital i vdekur: pasuri që nuk sjell fitime. Përqendrimi i kapitalit. Grumbullimi (akumulimi) fillestar i kapitalit.
- bised. Shumë e madhe parash; pasuri. Kishte kapitale. Ka vënë (ka siguruar) kapital.
- fig. Diçka me vlerë të madhe, diçka shumë e çmuar. Njeriu është kapitali më i çmuar. Fitoi kapital politik: i siguroi vetes epërsi politike, fitoi diçka me shumë rëndësi nga ana politike.
- vjet. komunizëm. Klasa e kapitalistëve, borgjezia; kapitalizëm. Vendet (bota) e kapitalit. Pushteti i kapitalit. Lufta kundër kapitalit. Kontradiktat midis punës e kapitalit.
* Kapital i vdekur libr. shih te VDEKUR. E marr diçka për kapital edhe moh. libr.: e quaj si qind për qind të vërtetë atë që thuhet, e quaj si një gjë të rëndësishme; i vë më tepër rëndësi sesa duhet.
KAPITAL mb.
- libr. Kryesor dhe shumë i rëndësishëm, i dorës së parë, themelor; shumë i madh; shumë i rëndë. Çështje kapitale. Problem kapital. Vepër kapitale. Me rëndësi kapitale. Dënimi kapital: dënimi më i rëndë, dënimi me vdekje.
- tek. I përgjithshëm, i plotë. Riparim kapital.
* Investime kapitale ek., zyrt.: mjete që përdoren në industri ose në ndërtime për zgjerimin e fondeve themelore të ekonomisë. Ndërtime kapitale: ndërtime në industri ose në fusha të tjera të ekonomisë, që bëhen për zgjerimin e fondeve themelore të ekonomisë.