KARTOLINË f.
- Fletë letre e trashë, në trajtë katërkëndëshe (zakonisht me përmasat 9 × 15 centimetra), që ka nga njëra anë fotografi a vizatime dhe që mund t'i dërgohet dikujt si letër pa zarf; fotografi me këto përmasa. Kartolinat e Vitit të Ri. Dërgoj (marr, shkruaj) një kartolinë.
- Kartolina e zjarrit usht. plani dhe skica e luftimit, që përmban të dhëna për pozicionet e zjarrit, vendosjen e armëve të zjarrit, zonat që mund të mbeten të vdekura nga zjarri etj.