MASIV m.
- gjeogr. Grumbull malesh që shtrihen gati njësoj në gjatësi e në gjerësi dhe që përbëjnë një njësi më vete të relievit. Masive shkëmbore. Masivi i Kurveleshit.
- gjeogr. Hapësirë e gjerë me karakteristika gjeografike të njëjta: grup pyjesh me një lloj druri, toka të gjera të mbjella me po atë pemë. Masiv gëlqeror (ranor). Masivi pyjor i Divjakës. Masive pishe (ahu). Masive vreshtash (ullinjsh, agrumesh).
- gjeol. Trevë relativisht e qëndrueshme (me moshë të vjetër) nga ana gjeologjike, rreth së cilës zhvillohen zonat e reja të rrudhosura. Masivi qendror.
- libr. Grumbull i madh; sasi e madhe, masë e madhe prej diçkaje. Masiv bore. Masiv gurësh.
MASIV mb.
- Që përfshin shumë njerëz, nga të gjitha shtresat; që lidhet me këto shtresa; popullor. Lëvizje masive. Pjesëmarrje masive. Ushtrime masive. Art masiv. Sport masiv. Bëhet masiv.
- libr. Që ka masë të madhe; që është në përmasa të mëdha, i madh, i vëllimshëm. Ndërtesë masive. Shkëmb (trup) masiv.