NEGATIV I m.
- Pasqyrim i një sendi në një pllakë fotografike ose në një film, ku pjesët e ndriçuara të figurës paraqiten të errëta, ndërsa pjesët e errëta dalin të ndriçuara; filmi ose pllaka me këtë pasqyrim.
- elektr. Poli negativ.
NEGATIV II mb.
- Mohues; kund. pozitiv. Përgjigje negative.
- Që është kundër diçkaje, që nuk e miraton diçka, që e hedh poshtë vlerën ose dobinë e diçkaje. Mendim (qëndrim) negativ. Prirje negative.
- Që ndikon keq mbi dikë a mbi diçka, që nuk e ndihmon zhvillimin, që pengon, që ka veti të dëmshme. Kushte negative. Faktorë negativë. Ndikim negativ. Shfaqje (dukuri) negative. Shembull negativ. Pasoja negative.
- Që nuk jep përfundimin e dëshiruar; që është i padobishëm dhe pa vlerë. Përfundime (rezultate) negative. Notë negative, notë pakaluese në shkollë.
- Që ka cilësi të këqija, të padëshirueshme; që nuk është i dobishëm ose që është i dëmshëm për shoqërinë; që ka qëndrim dhe sjellje të dobët; i keq. Njeri negativ. Tipare negative. Anët negative. Personazhe negative. let.
- fiz. Që ka elektricitet të përbërë nga një rrymë elektronesh, që ka elektricitet si ai që formohet duke fërkuar ebanitin me një rrobë të leshtë; kund. pozitiv. Ngarkesë negative. Elektricitet negativ. Tension negativ. Pol negativ.
- matem. Që është më i vogël se zeroja, që ka shenjën - (minus) përpara. Numër negativ.
- mjek. Që nuk ka shenja bakteresh, mikrobesh etj. në analizat e laboratorëve; që nuk është i prekur nga një sëmundje.