RREGULLUES m.
- tek. Pajisje ose aparat që shërben për ta bërë një mekanizëm a një mjet tjetër të punojë sipas një rregulli të caktuar. Rregullues automatik. Rregullues i ndriçimit (i zërit). Rregullues i shpejtësisë (i nxehtësisë). Rregullues i ajrit (i gazit).
- Ai që drejton qarkullimin e mjeteve në rrugë. Rregullues ushtarak. Rregullues i qarkullimit.
- fig. Diçka që shërben për t'i dhënë drejtimin e duhur një dukurie a një procesi. Rregullues i prodhimit. Rregullues i jetës (i marrëdhënieve). Rregullues i veprimtarisë.
RREGULLUES mb.
- Që bëhet për të rregulluar diçka; që ndikon për rregullimin e një pune, e një procesi etj. Punime rregulluese. Plan rregullues (i qytetit, i fshatit) plani që përcakton mënyrën e ndërtimeve të reja dhe të rindërtimit të një qendre të banuar.
- tek. Që shërben për rregullimin e mënyrës së punës të një mekanizmi, të një aparati etj. Unaza rregulluese.