SHKARKUES m.
- 1. Punëtori që shkarkon vagonët kur dalin nga miniera; punëtori që shkarkon trupat nga kamioni (në sharrat). Shkarkuesit e vagonëve. Shkarkuesit e trupave.
- 2. hidrotek. E çarë në pjesën e sipërme të digës, kapërderdhës a tunel, që shërben për të shkarkuar ujin e tepërt të një rezervuari. Shkarkues sipërfaqësor. Shkarkues thellësie. Shkarkuesi i rezervuarit.
- 3. elektr. Aparat elektrik që shërben për të ruajtur pajisjet elektrike nga mbitensioni dhe që është i përbërë prej dy elektrodash, ndërmjet të cilave ndodh një shkarkesë elektrike kur tensioni arrin një vlerë të caktuar; rrufepritës. Shkarkues i thjeshtë. Shkarkues sferik. Shkarkues me disqe (me shkëndija).
SHKARKUES mb.
- Që ka të bëjë me shkarkimin; që shërben për të shkarkuar. Kanal shkarkues. Gyp shkarkues. Aftësia shkarkuese e një vepre hidroteknike.