SUKSES m.
- 1. Kryerja e një pune a veprimtarie plotësisht dhe me përfundime të mira; përfundimi i mirë i diçkaje, duke arritur qëllimin; arritjet e mbara të punës dhe të përpjekjeve, kund. dështim. Suksese të mëdha (të dukshme, të rëndësishme). Sukses i plotë dhe i gjithanshëm. Suksese në punë (në jetë). Sukseset e shkencës (e kulturës) sonë. Rrugë suksesesh. Bilanci i sukseseve. Përpjekje pa sukses. Shënoi (arriti) suksese. Doli me sukses. U kurorëzua me sukses. Mbaroi (përfundoi) me sukses. Burimi i sukseseve është udhëheqja e Partisë. Nuk dehemi nga sukseset. I uroi suksese të reja.
- 2. Pritja me miratim e diçkaje ose e dikujt, emri i mirë që fiton dikush midis të tjerëve; tërheqja dhe interesi që ngjall dikush ndër të tjerët. Libri pati sukses. Ka sukses të madh. Korri sukses.