TË I
Trajtë e shkurtër e përemrave vetorë të vetës së dytë në rasën dhanore e kallëzore të numrit njëjës. Të pashë nga larg (ty). Të fola (ty). Të thashë një herë (ty).
TË II përem.
Trajtë e shkurtuar e përemrave vetorë e dëftorë ai, ajo, në rasën kallëzore; atë (në bashkëvajtje me parafjalë). E pashë me të. Folëm për të. E mora pa të.
* I ra në të (në fije, në fill) shih te FIJ/E, ~A. Nuk është në të nuk është në vete, nuk është në rregull. S'ka gjë në të nuk i ka punët në vijë; e ka gabim.
TË III
1. Nyjë e përparme e gjinisë mashkullore a femërore në numrin njëjës ose shumës tek emrat e rasës gjinore, tek emrat e mbiemrat e nyjshëm, te mbiemrat e emërzuar, te numërorët rreshtorë dhe te disa përemra; nyjë e përparme e emrave prejpjesorë të gjinisë asnjanëse. Nxënësve të shkollës sonë. Punonjësve të institutit tonë. Vajzave të fshatit tonë. Qytetit të ri. Të dashur, shokë! Të parët, në punë. Djemve të tij
(të saj, të vet). Njerëz të tillë. Të dhëna të përpikta. I foli me të butë.
Procesi i të menduarit.
2. Nyjë e përparme me kuptimin e përemrave pronorë të vetës së tretë, e cila përdoret me emra që shënojnë njerëz sipas lidhjeve të gjakut, sipas lidhjeve familjare etj.; të tij, të saj. I tha të birit (të vëllait, të vjehrrit, të shoqit, të nipit, të kushëririt, të kunatit). Ua la trashëgim të bijve (të bijave, të vëllezërve).
Ia ktheu (ia dha) të zotit.
TË IV
1. Nyjë e pasme e mbaresë shquese e shumësit të emrave (sot në një varg rastesh edhe në trajtën-t; p.sh. miq-të, kala-të, vëllezërit, motrat, lisa-t, gurë-t, toka-t etj.).
2. Nyjë shquese për emrat asnjanës prejpjesorë (sot një trajtën -t; p.sh. të hyrët, të dalët etj.); vjet. nyjë shquese për emrat asnjanës (p.sh. ballë-t, mjaltë-t, ujë-t etj.).
TË V
Pjesëz trajtëformuese, që shërben për të ndërtuar kohët e ndryshme të mënyrës lidhore dhe të së ashtuquajturës mënyrë lidhore-habitore të foljeve. Më mirë të vete vetë. Të jetë edhe ai. Të flasin të gjithë! Të mblidhemi një herë së bashku. Të mos e harrojmë këtë. Duhet të vish edhe ti. Të kishte ardhur më parë! të paskësha qenë dhe unë!