VAGËLLOJ jokal.
- Shoh me sy gjysmë të mbyllur; nuk shoh mirë nga sytë.
- kal. Hap e mbyll sytë, kapsallit. Vagëllonte sytë nga lakmia.
- vet., veta III. Jep një dritë të zbetë, është duke u shuar a duke e humbur dritën, ndrit si një mjegull; sapo nis të zbardhëllejë; duket si nëpër mjegull. Vagëllojnë yjet. Vagëllonte kandili. Vagëlloi mëngjesi (drita). Vagëllonin malet tej në horizont. Vagëllonte liqeni.
- kal. vet. veta. III. Bën që të humbasë dritën e shkëlqimin; e errëson, e dobëson. Lotët ia vagëlluan shikimin.
- kal. fig. Bëj që të humbas qartësinë, forcën etj.; e errësoj. Tronditja ia vagëlloi mendimet.