AVULL m.
- Gaz që del nga uji kur nxehet shumë; gaz që formohet nga disa lëndë kur valojnë. Avull i nxehtë. Avull i mbingopur. Avuj uji. Avuj plumbi (zhive). Kazan avulli. Banjë avulli. Fuqia (trysnia) e avullit. Makinë me avull. Anije me avull. Ngrohje me avull. Punon me avull. Lëshon (nxjerr) avull. Bëhet avull. Kthehet në avull.
- Mjegull e hollë, e cila formohet nga pikla uji shumë të vogla, që ngrihen nga trupa të lagësht, nga toka etj. Avujt e tokës. Ngrihen avuj. Nxjerr avull nga goja.
- Valë e nxehtë ajri të lagësht; ajër i nxehtë që vjen nga trupat me temperaturë të lartë, afsh i nxehtë. Avulli i sobës. Avulli i etheve. Lëshon avull. Marr një avull pranë zjarrit. I hipi një avull.
- Sëmundje që u bie disa pemëve kur pas shiut vjen menjëherë të nxehtë i madh dhe që u kalb rrënjët e u rrëzon gjethet. I ra avulli rrushit.
- fig. bised. Zjarr i brendshëm, afsh. Flet me avull. E merr me avull të madh. I kaloi avulli.
- përd. mb. I nxehtë, shumë i ngrohtë. U bë dhoma avull. Jam avull nga ethet.
* Marr avull: nxehem, zemërohem. Ia marr avullin: e njoh mirë diçka a dikë; ia marr dorën. Ia mori avullin dikujt: e mundoi shumë, ia mori frymën, ia mori shpirtin. Më çon zemra avull për diçka: digjem nga dëshira për të bërë diçka, me digjet zemra. Më del avull aga koka: jam në telash të madh, më zien koka, më del tym nga koka. I hipi një avull në kokë: i hipi zemërimi, u nxeh, i shkrepi në kokë.