BLOZË f.
- Lëndë e zezë si pluhur, që lë tymi kur kalon nëpër oxhak ose në vende të tjera. Bloza e oxhakut. Bloza e barutit. Era e blozës. Zë (lë) blozë. Mbushet me blozë. Pastroj (heq) blozën. U nxi nga bloza. I zi si blozë.
- kim. Pluhur i zi, që del nga djegia jo e plotë e disa lëndëve dhe që përdoret në industri. Blozë aktive. Blozë shtazore. Blozë për ngjyrosje.
- Sëmundje bimësh, që shkaktohet nga disa kërpudha, prej të cilave pjesët e prekura mbushen me pluhur të zi; tymth. Blozë e veshur (e zhveshur). Bloza e grurit (e elbit, e tërshërës). Bloza e misrit.