BUROKRACI f.
- Sistem qeverisjeje a drejtimi me shumë nëpunës, që mbivlerësojnë shkresat dhe metodat formale të të vepruarit, duke krijuar vonesa dhe pengesa të panevojshme. Burokracia dhe teknokracia. Lufta kundër burokracisë.
- përmb. Tërësia e nëpunësve që bëjnë pjesë në administratën e një shteti, burokratët.
-
bised. sh. Veprime të panevojshme e të kota, sidomos me anë shkresash; mbivlerësimi i tepruar i anëve formale, zvarritje e punëve nga nëpunësit, që pengojnë zgjidhjen e shpejtë të çështjeve. Na mbytën burokracirat.