KATËRSH m.
- 1. Grup i përbërë nga katër qenie ose sende. Katërshi i parë. Formojmë (bëjmë) një katërshe. Ndaj në dy katërshe.
- 2. Nota katër. Mori një katërsh.
- 3. let. Strofë e përbërë prej katër vargjesh, strofë katërshe, katërvargëshe.
KATËRSH mb.
- 1. Që përbëhet e tëra nga katër njësi ose që ka një pjesë me katër njësi. Tel katërsh tel me katër fije. Çadër katërshe çadër me katër fletë. Strofë katërshe. let. strofë e përbërë prej katër vargjesh.
- 2. Që ka përmasa ose vlerë prej katër njësish. Dërrasë katërshe dërrasë e trashë katër centimetra. Xham katërsh xham i trashë katër milimetra. Gozhdë katërshe gozhdë e gjatë katër centimetra.
KATËRSH ndajf.
- Në katër pjesë; katër e nga katër. Palos (më) katërsh. Ngjit shkallët (më) katërsh. Ndaj katërsh.
- U bë katërsh u përpoq me të gjitha forcat, u lodh shumë me një punë. Është ta çash katërsh shih te ÇAJ. E ndan (e çan) qimen me katërsh (me dysh) shih te QIM/E,~JA.