MREKULLI f.
- Diçka e pabesueshme, që s'mund të ndodhë në të vërtetë e që nuk shpjegohet me ligjet e natyrës, por kryhet nga një forcë e mbinatyrshme, çudi. Ndodhi një mrekulli.
- Diçka që të bën për vete, të mahnit me cilësitë e rralla, me bukurinë, me forcën, me madhështinë e vet etj.; diçka e jashtëzakonshme, shumë e mirë, që na tërheq pa masë, vepër a arritje e shkëlqyer, gjë e përsosur që të çudit. Mrekulli e madhe. Është një mrekulli. Kanë bërë mrekulli.
- përd. ndajf. bised. Shumë mirë, shumë bukur. Punon mrekulli. Shpëtoi mrekulli. E flet gjuhën mrekulli.
* Për mrekulli: a) shumë mirë, shumë bukur; b) mrekullisht.