arsyeshëm
- që ka arsye
- Qenie e arsyeshme.
- që arsyeton drejt, që mendon, gjykon e vepron në mënyrë logjike e të shëndoshë; i logjikshëm, i gjykueshëm
- Njeri i arsyeshëm.
- që bazohet në arsyen; i matur e i peshuar mirë, i përmbajtur
- Mendim (veprim) i arsyeshëm. Sjellje e arsyeshme. Zgjidhje e arsyeshme. Fjalë të arsyeshme.
- që përligjet nga një shkak ose nga rrethanat e krijuara, që shpjegohet me një arsye; i përligjur
- Mungesë e arsyeshme. E shoh (e quaj, e gjej) të arsyeshme.
- që pranohet nga arsyeja, që është i menduar e i gjykuar me kujdes; jo i tepruar, jo i lartë (për çmimet etj.)
- Çmime të arsyeshme. Pagesë e arsyeshme. Me kushte të arsyeshme. Në mënyrë të arsyeshme.
- ndajf. - Në mënyrë të arsyeshme; duke i matur e duke i peshuar mirë fjalët, sjelljet e veprimet. Flet arsyeshëm.