FJALË

Fjalor Shqip

THARTOJ kal.

  1. E bëj të thartë diçka, i jap shije të thartë; i hedh limon, uthull etj., më shumë se ç'duhet. E thartoj gjellën (supën). E thartova shumë.
  2. Tharmëtoj, tharbëtoj. Thartoj qumështin.
  3. kim. E kthej në acid; i shtoj sasinë e acidit, acidoj.
  4. fig. Prish fytyrën e mbledh buzët për të shprehur pakënaqësinë a zemërimin për diçka, për të treguar se diçka nuk më pëlqen. Thartoi fytyrën (buzët, turinjtë).
  5. fig. Ashpërsoj, acaroj, keqësoj, prish (marrëdhëniet me dikë). E thartoj punën me të. I thartuan fjalët. I thartuan marrëdhëniet.
  6. M'i thartoi trutë më trullosi; m'i lodhi aq shumë trutë, sa s'më punon mendja.